طريقه معرفه هل جهاز شاومى به حساب mi account ام لا قبل السوفت

اجهزه شاومى هى اجهزه صينيه بدأت فى الانتشار فى اغلب الدول

قبل ما ندخل فى الموضوع احب اوضح انى امتلك هاتف شاومى و ان الاجهزه بدأت تنتشر بشكل كبير

وكمان جوده الاجهزه رائعه جدا و الجهاز من ناحيه السوفت رائع جدا

كمان هتكلم ان مع جهاز شاومى انت تقريبا عندك اكتر من جهاز واحد ممكن 2 او 4 اجهزه فى نفس الوقت

الفكره ان سوفت شاومى يختلف عن اى جهاز اخر لانه بيعطيك واجهتين للعمل على الجهاز

واجهه رئيسيه وواجهه اخرى يمكنك التبديل عليها فى اى وقت

يعنى كل واجهه ليها برامجهه الخاصه و شغلها و العابها يعنى كده انت شارى جهازين طيب ازاى 4

فى كل واجهه فى امكانيه انك تختار البرامج اللى محتاج تكررها على الجهاز

يعنى فى الواجهه الواحده يبقى عندك 2 فيس و 2 واتس و 2 ماسنجر و طبعا كل برنامج بيكن باكونت غير التانى

هنيجى بقى لموضوعنا الرئيسى

نفس فكره الايكلاود او بمعنى اصح فكره حساب جوجل اللى على اجهزه الاندرويد

موضوعنا اليوم هو ازاى اعمل تشيك على الجهاز عشان اعرف هل عليه حساب mi account ام لا

طبعا الموضوع هيفيدنى جدا قبل السوفت او الفورمات

كمان مهم جدا لو هشترى او هبيع اى جهاز لازم نكشف عليه و نتاكد هل به حساب mi account ام لا

اول خطوه الذهاب اللى اللينك التالى

بعد كده نكتب الايمى الخاص بالجهاز او زى ما بنقول عليه فى مصر سريال الجهاز

طبعا السريال مكتوب على الضهر او علبه الجهاز

و يمكن الحصول عليه من داخل الجهاز فى حاله ان الجهاز يعمل بصوره طبيعيه

عن طريق نجمه شباك06 شباك

بعد كده هتظهر النتيجه بالشكل التالى فى حاله ان الجهاز عليه حساب mi account

زى ما واضح ما الصوره الجهاز عليه حساب و ده جزء من رقم الهاتف الخاص بصاحب الحساب

اكيد الموضوع مهم جدا خصوصا ان طريقه حذف الحساب فى بعض اجهزه شاومى بتكون معقده

و منها بيحتاج لفتح الجهاز

شكر خاص للبوب

لاهدائه الموضوع لجروب

#ملوك_السوفت

الأقسام شروحات

تعليقات

تعليق واحد

إرسال تعليق