شحن جميع الالعاب والبطاقات الاونلاين

كيف اكون فنى سوفت وير ناجح

بسم الله الرحمن الرحيم

موضوع مختلف شويه

انا عايز اكون سوفتجى ناجح اعمل ايه ؟
نتيجة بحث الصور عن سوفتجى ناجح

تعالى نتكلم فى شويه اساسيات لازم تبقي موجوده

اولا الانترنت

لازم يكون عندك انترنت بسرعه جيده

هتقولى مشاكل شركات الانترنت والسنترال مبتخلصش

هقولك دعم نفسك USB MODEM

وخليها للطوارئ

ثانيا تصفح المواقع المتميزة الخاصه بالمجال

مش كل الوقت عندك مضغوط 

اكيد فى وقت فراغ

استثمر وقت فراغك فى البحث على جميع المنتديات الاجنبيه منها
  
والعربيه ايضا

ابحث عن المشاكل الجديده وحلولها

اقرأ كتير عن التجارب اللى غيرك مر بيها

علشان لما يجيلك عطل معين تبقي عندك خلفيه مسبقه عنه

ثالثا احتراف طريقه البحث على GooGle

لازم تحترف طريقه البحث
 

البحث بيكون باللغه العربيه
وايضا بيكون اكتر باللغه الانجليزيه
بص كده فى فرق كبير فى الطريقتين دول فى البحث
انا عايز فلاشه سامسونج s3


OR

I9300 flash file

اظن كده فهمتنى
رابعا ترتيب جهاز الكومبيوتر الخاص بك
نظرا لكبر حجم جميع الفلاشات فى الوقت الحالى


يعنى هات هارد مساحته كبيره

قسم فلاشاتك صح
صينى بمشتقاته

السامسونج

السونى

الايفون

الخ

الترتيب مطلوب جدا جدا جدا

خامسا تكوين علاقات باصدقاء بنفس المجال
اعمل شبكه علاقات مع زملائك فى المجال بس مش فى نطاق


مصلحتك فقط


لو حسبتها مصلحتك فقط هتخسرهم


لا خلى الصداقه من منطلق فيد واستفيد

خليها تبادل خبرات ساعد باللى تقدر عليه وهتلاقي اللى يساعدك
سادسا
خلى الايتين دول من كتاب الله قدام عينيك

وفوق كل ذي علم عليم

وما أوتيتم من العلم إلا قليلا

صدق الله العظيم

سابعا البوكسات

مش هينفع تبقي فنى سوفت ناجح بدون بوكسات

البوكس هو اساس العمل

شغل الكراكات مش هينفعك


هتقولى البوكسات غاليه هقولك لازم تجيبها


البوكس فلوسه فيه



البوكس هو اللى هيصرف عليك بعد كده


حوش وهات اول بوكس انت بتحتاجه



ثم هات البوكس التانى

وهكذا

طبعا اوعى يبقي فيه بوكس انت جاهل بيه حتى لو البوكس دة مش

عندك


اقرأعن كل البوكسات 

بتدعم ايه ومش بتدعم ايه

تابع التحديثات باستمرار

وخلى الكراكات كده حلاوة روح بس اوعى تعتمد عليها
يجب اتقان اللغه الانجليزيه

لازم يابيه تعرف انجليزى كويس

شغل السوفت بوكسات وبرامج وفلاشات كله انجليزي


ثامنا قواعد التعامل مع العميل
اوعى الابتسامه تفارق وجهك وانت بتتعامل مع العميل
خلى كلمه يا افندم ملازمه لسانك 
الاحترام حلو
ادى نفسك وقت مع العميل 
حتى لو الجهاز هيخلص فى ايدك بسرعه
السرعه مش مطلوبه يا بيه

لانك مش عارف ايه اللى ممكن يحصل


اوعى تظلم نفسك فى الحساب مع العميل

انت راجل صارف على شغلك

من بوكسات

واكتيفيشن

واشتركات سبورتات

اوعى تذم فى اللى كان شغال فى الجهاز قبل منك

تاسعا الثقه
اوعى تفقد الثقه بنفسك

لازم تبقي عندك ثقه فى نفسك كبيره
العميل لو شاف انك مهزوز او متوتر
 
استحاله هيسيبلك جهازة 
العميل بيستمد ثقته فيك
من ثقتك فى نفسك
اوعى اوعى اوعى تتدردش مع حد فى اكل عيشك
عاشرا واخيرا حب العمل
لو انت حابب المجال صدقنى هتوصل بسرعه لهدفك

حبك لعملك هيخليك تبتكر

 
حبك لعملك هيخليك تشتغل وانت سعيد
ممكن يجيلك عيب وربنا يوفقك فيه
السعاده اللى عندك مش هتتوصف حتى لو المقابل المادى ضعيف

السلام عليكم ورحمه الله وبركاته




تعليقات
22 تعليقًا
إرسال تعليق
  • arkan
    arkan 20 مارس 2017 في 8:45 ص

    كلام روعة

    إرسال ردحذف
    • Unknown
      Unknown 20 مارس 2017 في 12:53 م

      والله انتا راجل محترم ربنا يوسع رزقك

      إرسال ردحذف
      • hhh
        hhh 20 مارس 2017 في 1:11 م

        السلام عليكم اللي ف الاخر دي معناها واللي عنده كركات (معزه) يلمها

        إرسال ردحذف
        • Unknown
          Unknown 20 مارس 2017 في 1:13 م

          كلام جميل تسلم جزاك الله خيرا

          إرسال ردحذف
          • Unknown
            Unknown 20 مارس 2017 في 1:25 م

            كلام جميل جعله الله في ميزان حسناتك

            إرسال ردحذف
            • Unknown
              Unknown 20 مارس 2017 في 3:34 م

              تسلم على الموضوع :]

              إرسال ردحذف
              • Unknown
                Unknown 21 مارس 2017 في 2:04 ص

                كلام جميل فعلا حب ماتعمل حتى تعمل ماتحب

                إرسال ردحذف
                • علي الفولي
                  علي الفولي 21 مارس 2017 في 2:57 ص

                  جزاك الله خيرا
                  كلام جميل جدا بارك الله فيك
                  وارجو توضيح النقطة دي
                  اوعى اوعى اوعى تتدردش مع حد فى اكل عيشك

                  إرسال ردحذف
                  • atyaibrahim
                    atyaibrahim 21 مارس 2017 في 4:03 ص

                    حبيبي يا ابو كنذي كلام محترم جدااا

                    إرسال ردحذف
                    • Unknown
                      Unknown 21 مارس 2017 في 9:36 ص

                      الله يبراكلك كلام كلو مظبوط

                      إرسال ردحذف
                      • الريحاب للمحمول
                        الريحاب للمحمول 22 مارس 2017 في 4:37 ص

                        كلام محترم جدااا
                        ربنا يحفظك

                        إرسال ردحذف
                        • نعيم
                          نعيم 22 مارس 2017 في 3:14 م

                          بارك الله لكم

                          إرسال ردحذف
                          • moody
                            moody 4 أبريل 2017 في 10:09 ص

                            مشكورا اخى الكريم

                            إرسال ردحذف
                            • elnazersoft
                              elnazersoft 26 أبريل 2017 في 10:25 ص

                              الله يبارك فيك

                              إرسال ردحذف
                              • Unknown
                                Unknown 29 أبريل 2017 في 3:02 م

                                جزاك الله كل خير

                                إرسال ردحذف
                                • ahmed
                                  ahmed 17 مايو 2017 في 3:21 ص

                                  بجد كلام جامد وبدي للوحد طاقه وايجابيه للعمل وحب الشغل بجد انت شخصيه محترمه جدا شكرا ليك جدا شكرا ع مجهودك وكلامك الرائع اللى بيشجع الناس ويحفز كل وحد فينا ويحبب كل واحد ف عمله بجد شكرا

                                  إرسال ردحذف
                                  • عبدالرحمن طلباتك
                                    عبدالرحمن طلباتك 1 أغسطس 2017 في 12:34 م

                                    جزاكم الله كل خير

                                    إرسال ردحذف
                                    • shlaby alhaj
                                      shlaby alhaj 18 ديسمبر 2017 في 10:40 ص

                                      مشكور كلام في الصميم

                                      إرسال ردحذف
                                      • Unknown
                                        Unknown 18 ديسمبر 2017 في 10:20 م

                                        ربنا يبارك في عملك

                                        إرسال ردحذف
                                        • teach your self
                                          teach your self 10 مايو 2018 في 11:32 ص

                                          كلام روووووووووووووووووعة

                                          إرسال ردحذف
                                          • Unknown
                                            Unknown 29 يونيو 2018 في 11:08 ص

                                            كلام روعه بجد انا قريتو 3 مرات من كتره ماهو حلو ... اخوكم من السودان

                                            إرسال ردحذف
                                            • Unknown
                                              Unknown 7 فبراير 2020 في 1:35 م

                                              تسلم ايدك اللي كتبت

                                              إرسال ردحذف
                                              متاح شحن جميع الالعاب وبطاقات الاونلاين
                                              تفعيل جميع البوكسات والادوات المدفوعه