افهم بوكساتك - الجزء الأول

    بسم الله الرحمن الرحيم 

    بعد طرحي أمس لفكرهـ شروحات البوكسات ومشاركه التجارب من الأعضاء 
    ومعرفة نقاط القوه والضعف في كل بوكس

    وبعد ما قدموا شروحات مميزهـ وبسيطه سوف نتناول اليوم ما قد تم نشرهـ
    وذلك توثيقا لما قدموهـ وحتى يكون مرجع لأي باحث عن امكانيات بوكس محدد
    أو من يريد مقارنه سريعه وموجزه ومبنيه على العمل والتجارب 
    وليس مجرد مواصفات وامكانيات 

    بدأ أخي وصديقي جيلانى ابو تميمى

    بتقديم شرح مبسط لدونجل ZZKey


    وهذا ما ذكرهـ اخي جيلاني عن الدونجل 
    "هو الدونجل المميز في اجهزة هواوي
    الدونجل دا هو الوحيد العندو سبورت فلاشات لاجهزة هواوي وهو الافضل وحتجد في السبورت اي فلاشة لاي جهاز هواوي انت عايزها وايضا يوجد في السبورت بعض الفلاشات لماركات اخري زي الكاتل لكن ليست كل الفلاشات موجودة فيه
    ايضا الدونجل بيفتح البوتلودر لاجهزة هواوي بسهولة ولكن للاجهزة الشغالة فقط يعني لو جهاز معلق علي الشعار مش حيتعامل معاهـ
     ايضا الدونجل بيفك شفرة لمعظم اجهزة هواوي بدون كريدت وبدون روت وبدون فتح بوتلودر وامس فكيت شفرة لجهاز p6-u06 
    الدونجل هذا اهم مميزاته
    ومن عيوب الدونجل 
    لا يفتح بوتلودر لجهاز معلق 
    لا يدعم التفليش 
    لا يدعم فك frp
    لم اجرب تغيير السيريال علية
    الدونجل يدعم ماركات اخري زي htc و نوكيا و بعض الخدمات لبعض الموديلات لاجهزة سوني
    من خلال تجربتي هو مميز في الهواوي"

    =+=+=+=+=+=+=+=+=+=+=+=+=+=+=+=+=+=+=+=+=+=+=+=

    وبعد ذلك قمت أنا 

    بتقديم شرح مبسط لبوكس الميركل Miracle Box
    وهذا ما ذكرته عن البوكس 
    انا حتكلم عن اكتر بوكس بحب اشتغل معاهـ 
    miracle box
    بوكس قوي جدا في التعامل مع انواع كتير جدا من الاجهزه سواء الاصليه او الكوبي او حتى الشركات الى بتستخدم المعالجات التانيه زي mtk و spd
    وعنده القدره انه يتعامل مع الجهاز في كافه اوضاع تشغيله سواء الوضع الطبيعي adb
    او الفاست بوت fastboot
    وبرضو احب اقول انه كان اول فريق يضيف للسامسونج خاصيه اختيار الملفات الى حيتم تفليشها حتى قبل مالبوكسات المتخصصه في السامسونج تطرح الفكره دي 
    samsung 
    وبما انى بدات بالسامسونج فهو كمان عنده القدره انه يقرا ملف ال pit وده مفيد فى حال انى مش لاقى ملف pit للجهاز الى معايا وايضا فك ال frp لبعض الاجهزه بسهوله وفي ثوانى
    فيه ايضا واجهه خاصه بالهواوي والبلاك بيري لكن متعاملتش معاهم لانى شايفهم اضعف كتير من اللازم واتمنى الى اتعامل مع الواجهتين دول يقولنا رائيه
    بيقدر كمان يتعامل مع الاجهزه الكوالكم بشكل عام من خلال الواجهه الخاصه بالكوالكم 
    والى فيها خصائص كتير وافضلها كتابه السيريال لانواع بتحتاج مجهود شويه زي oppo و ال lg وخاصيه مسح اكاونت اجهزه الشاومي والى مجربتهاش لسه

    البوكس كمان بيقدر يتعامل مع اجهزه ال spd لكن مش بعتبره الافضل في النقطه دي
    النقطه قبل الاخيره الى حابب اتكلم عنها والى هي من اسباب عشقي للبوكس ده هو دعمه الكامل لمعالجات ال mtk والى من وجهت نظرى يعتبر لامم كل حاجه تخص المعالجات دي من فك شفرات ل frp لاصلاح بيس باند او سيريال او واي فاي 
    وجميع الطريق الى ممكن تحتاجها في تفليش اى جهاز mtk
    فيه كمان واجهة الاندرويد الى بتقدر من خلالها تتعامل مع اي جهاز كان المهم انه يكون شغال بنظام تشغيل اندرويد
    وابرز النقاط المميزه في القسم ده هى 
    اعاده التشغيل لوضع الريكفرى
    قراءه وكتابه ملف ال nvram
    وعمل روت ولكن مش كل الاجهزه بتقبله
    اخر حاجه معانا هى الفاست بوت 
    وانا من الناس الى بحترم جدا الواجهه دي والى بتنفع فى فك ال frb او تفليش ملف واحد لبعض الاجهزه الكوالكم زي الاركوس وال htc 
    وكمان اصلاح السيريال 
    واعاده التشغيل لاى وضع
    بالنسبه للعيوب فى البوكس ده 
    اهمها واولها انه مش بيشتغل بدون انترنت بسبب التفعيل 
    وكمان عدم وجود سبورت واضح او مفيد بشكل كافي
    الاصدار الحالى للبوكس هو 2.45
    اتمني انى اكون افدتكم ومستني منكم الخبرات والتجارب في البوكس الكبير والعظيم ده "

    =+=+=+=+=+=+=+=+=+=+=+=+=+=+=+=+=+=+=+=+=+=+=+=


    قام بتقديم شرح مبسط لدونجول Bst
    وهذا ما ذكرهـ اخي منذر عن الدونجل 
    "دونجل رائع ومكمل ليس كامل فيه بعض المشاكل لكن يمتلك بعض الحصريات ويدعم الكثير من الموديلات مثل HTC و Samsung و Xiaome و MTK
    يدعم فك الرمز بدون حذف لمعالج الmtk 
    ويدعم التفليش ويدعم اصلاح الايمي واصلاح الشبكة والوايفي قوي في سامسونج وضعيف بالبقية اغلب الاصلاح يكون في وضع فاكتوري مود UART لذلك يكون سريع في العمل مع امكانيه تصحيح وضع الusb

    عيوب الدونجل


    سبورت بطئ جدا جدا "

    =+=+=+=+=+=+=+=+=+=+=+=+=+=+=+=+=+=+=+=+=+=+=+=

    وقام Ahmed Naser

    بتقديم شرح مبسط لدونجول Cm2
    وهذا ما ذكرهـ اخي أحمد عن الدونجل 
    "الدونجل دا انا لسة مشتريه من فترة قريبة جدآ بس دا دونجول قووووى جدآ 
    اهم مميزاته ف الmtk 
    انك تقدر تسحب انفو كااااااااااااامل ببيانات الجهاز 
    سحب الفلاشة كامل بملفات الشبكة بالصيغتين( bin - scatter)
     وتفليش الاجهزة بالصيغتين ( bin - scatter ) 
    بكل بساطة ومن عيوبه في التفليش انه مش مسموح هتفلش ايه من الفلاشة 
    ولو الفلاشة ناقصة اليوزر داتا مثلآ والكاش مش بيفلشها

    ال frp سريع جدآ جدآ لآغلب الاجهزة ال mtk 
    سحب ملف nv وكتابته 
    اصلاح السريال ف وضع الدونلود ( فوليم تحت ووصل USB ) 
    فك البوت لودر لبعض الانواع 
    خاصيه اصلآح dl mod الى بتحصل فى انواع كتير من اللينوفو نتيجة للتفليش الخاطى 
    ومن الحاجات المهمه جدآ الى بيعملها 
    - انه بيصلح البريلودر 
    - اصلاح besband unknown 
    -اصلاح ملف modemm الخاص بالشبكة

    ومن الحاجات المهمة برضو انك ممكن تعمل test لل ic flash وال ram كمان
    نيجى للتحليه :
    - معرفة النمط للأجهزة المقفولة بدون حذف بيانات 
    - فك اليوزر لوك ( الرمز ال Pin ) 
    - فك privacy lock 
     ( وكل دا طبعآ بدون حذف البيانات )

    وتقدر كمان تسحب الصور والاسماء من التلفون الى فاقد سوفت او الى عليه رمز 


    ودى الحاجات الى تأكل عيش

    وكماااااااااااان تقدر تحذف الفيرس من التلفون اوتوماتيك عن طريق خاصيه smart av 
    ( بس من العيوب بتاعتها مش ديمآ بتنفع مع كل الانواع )


    فى الكوالكوم 
    سريع نفس السرعه في فك frp مع mtk 
    سحب وتفليش الهواتف الكوالكوم + ملفات الشبكة ومش كلها برضو 
    معرفة النمط وفك ال  privacy lock

    سحب الصور والاسماء من الهاوتف الى عليها نمط او رمز بدون فورمات 
    فك frp لهواتف  xiaomi


    قايمة spd 
    سحب انفو والجهاز فى وضع البوت او وضع التشغيل 
    فك الجيميل بكل سهولة لكثير من الانواع 
    سحب ملف nv وكتابه nv 
    اصلاح nv - efs - link 
    عمل test ic flash 
    التفليش بالصيغتين bin -pac 
    سحب الفلاشة كاملة بملفات الشبكة 
    معرفة النمط ورمز الهاتف
     عمل فحص للهواتف من الفيرس


    قائمة ال LG
    تفليش هواتف ال xml - kdz - dz
    سحب الفلاشة 
    كتابة سريال 
    سحب ملف nv 
    كتابة ملف nv 
    ريسيت يوزر لوك 
     ريسيت النمط

    غير قايمة rda rck sam trial "

    =+=+=+=+=+=+=+=+=+=+=+=+=+=+=+=+=+=+=+=+=+=+=+=

    وأيضا اخي وصديقي Mohamed Elagamy

    قام بعرض تجربته مع دونجول Cm2
    وهذا ما ذكرهـ اخي محمد عن الدونجل 
    "انا اخترت حبيبى اللى بحسه دكر ومش بيخزلنى فى حاجة هو دونجل CM2
    الدونجل دا بقى ليه مميزات كتير اوى وغير كمان سهولة الاستخدام والسلاسة فى العمل
    وكل يوم بيطور من نفسه تطور ملحوظ والواجهات بتاعته اكثر من رائعة 
    اول حاجة بقى انا فى يوم كنت قاعد معايا جهاز تكنو W3
    عليه جوجل اكونت وفى اليوم دا ميركل كان ضايع معايا بمشاكله اللى احيانا بتستفز  اى فنى وتيجى علشان تحتاجة
    تلاقيه واقع من على السيرفر او تحديث فيه مشكلة او ميرضاش يفتح ويبقى الزبون مجنون
    عندى CM2
    وكنت مهملة جدااااااا وشغال بميركل بس فى اليوم دا قولت اجرب فتحت واجهة MTK
    ووبفك FRP
    لقيته فى اقل من 10 ثوانى DONE
    قولت يا سلام وابتديت احس انى غلطان وبدات اخد طريق الCM2
     طيب يعنى ايه المقصود هو ان الدونجل دا مفيش جهاز ميديا تك لسة لحد انهاردة وقف فى ايدى عليه فى فك جوجل اكونت بدون اى طرق متعبة من اللى ممكن تاخد وقت وكمان بتبقى تقلق الواحد وهو شغال خصوصا معتش فيه استحمال للبوس
    طبعا دى ميزة رائعة جداااااا اختصار للوقت والمجهود وسهولة مفيش احسن من كدا
    ايه تانى بقى اقولك الحج CM2 دا
    تقدر انك
    تفك رمز بدون مسح بيانات فى MTK 
    دا بسهولة جدا يا دوب هتختار USERDATA/FORENSIC
    ومناها RESET USER LOCK 
    فى اقل من ثوانى هتلاقى كل شىء تمام
    سحب فلاشات مضمونة وامنة مفيش فيها اى مشاكل فى كل الواجهات اللى منزلها سواء 
    MTKاو SPD او QLM
    ميزة كمان ومهمة وحلوة كتابة ايمي بدون روت لمعظم الاجهزة الميديا تك 
    ميزة اكثر من رائعة بتريحنى كتير فى اجهزة MTK
    وهيا عمل تيست على EMMC 
    اذا كان فيه خلل او سليم وبالتالى الحمد لله اللبوس خف اوي بسبب الحتة دى 
    ودا من واجهة EXTRA نعلم على TEST FLASH IC ثم MAKE TEST
    لو سليم هيعطى PASD غير سليم هيعطى ERROR 

    ميزة بردو كويسة ومهمة مجربتهاش كتير لكن كانت فعالة معايا هيا
    تصليح البيسباند 
    فقط بضغطة زر FIX UNKNOWN BASEBAND ايضا من واجهة EXTRA 

    موجود
    كمان FIX DL MODE مشكلة ملحوظة فى اجهزة كتير من ميديا تك هواوى ولينوفو وغيرها
     نجيب بقى بالمرة واجهة الكوالكم اللى ريحت ناس كتير منهم انا فى شغلها مع اغلب اجهزة الكوالكم هواوى ولينوفو وغيرها 
    فك FRP ايضا بسهولة وسرعة 
    كان ليها فضل عليا بعد ربنا سبحانه وتعالى فى جهاز الشاومى REDMI 3S PRIME 

    ودا اتعمله شرح كامل لكيفية التعامل معاه 

    ايضا سهولة التفليش وسحب الفلاش لجميع الواجهات ميديا تك او سبريد او كوالكم 
    وفلاشات امنة 
    دا اللى فاكرة دلوقتى وقولت افيد بيه الناس ويا ريت اى حد يقول لينا تجربته مع الدونجل الرائع دا

     اهم حاجة فى الدونجل دا عاجبنى فيه انه لما بيقول هعمل فعلا بيعمل مش بيقول كلام وخلاص يعنى واجهاته بكل اللى فيها شغالة 

    عكس بوكسات اخرى بيبقى فيها واجهة بس منظر وكل شويا يبقو يطوروا فيها 
    نقول بقى عيوبه مع انى صعبان عليا كلمة عيوب تتقال فى الدونجل دا وهو عيب بس شوفته 
     انى مقدرش افلش ملفات معينة من فلاشة مثلا ميديا تك مثل اليوزر داتا والاندرويد ولازم افلش الفلاشة على بعضها 
    واتمنى اكون قدرت ابسط ولو جزء بسيط اللى فاكره فى الدونجل دا "

    =+=+=+=+=+=+=+=+=+=+=+=+=+=+=+=+=+=+=+=+=+=+=+=

    كل ما سبق كانت تجارب من اعضاء في جروب ملوك السوفت

    وباذن الله سنكمل ونضع باقي التجارب 
    ونحاول توفير كل المعلومات عن جميع البوكسات 
    فقط من خلال الاعضاء 

    الهدف من هذهـ التجارب هو عرض البوكسات بما تقدمه من خدمات 
    وذلك من خلال الفنيين واصحاب الخبرات


     هنا ليس هدفنا تقديم شروحات
    وانما هدفنا مشاركه الجميع وايصال الفائده للجميع

    شارك المقال

    مقالات متعلقة

    1. معلوملت مهمه جدا بارك الله فيكم.. ياريت تواصلو النقاش حول باقي البوكسات والدونقلات

      ردحذف
    2. فعلا دونجل ال cm2 مخزلنيش لحد دلوقتي بس حيرنى فى فك ال frp لجهاز هواوى y5 2017 بيديني لودر لوكد وبحاول معاه

      ردحذف