إغلاق القائمة
إغلاق القائمة
404
لا يوجد أي شيء هنا. ! ألصفحه الرئيسية

الخميس، 14 يونيو 2018

الجهاز مات بعد السوفت

الجهاز مات بعد السوفت
الجهاز مات بعد السوفت
الجهاز فصل و مش بيقبل سوفت 
الجهاز فصل شبكه بعد السوفت

كلام كل يوم بنشوفه على الجروب و على المواقع و المنتديات 
طيب نتكلم فى طرق الحل و نتكلم ازاى نشغل الاجهزه ديه تانى 
لا احنا فى ملوك السوفت بنختلف فى فكرنا عن الجميع 
فى الموضوع السابق اتكلمنا عن ازاى تبتدى صح و ازاى تاسس نفسك 


لكل فنى سوفت مبتدأ و محتاج يبتدى صح

اللى هيشوف عنوان الموضوع هيقول احنا كده هنتكلم عن طريقه احياء الاجهزه بعد موتها على السوفت 
و طريقه علاج الاخطاء حتى يعود الهاتف مره اخرى للعمل بنجاح
لكن انا دائما بدور على الاختلاف و التميز و عشان كده موضوعنا النهارده مختلف

فى ملوك السوفت و فى الاكاديميه بنركز انك تفهم مش تحفظ
انك تشتغل صح بخطوات صحيحه و مرتبه 
عشان كده موضوعنا النهارده ازاى متوصلش للمرحله ديه و انك تشتغل صح بأمان تام و متقولش فى يوم عندى مشكله بعد السوفت


خلينا نكون متفقين ان العمل فى الاجهزه الكوبى اشد خطوره عن الاجهزه الاخرى 
مثل سامسونج و سونى على سبيل المثال و ليس الحصر هنلاقى ان الخطوره فيهم اقل بكتير 
عشان تامن نفسك هتفلش بنفس الاصدار اللى على الجهاز او اصدار اعلى 
لكن فى اجهزه كتير منتشره فى الاسواق مثل ( لينوفو - هاواوى - الكاتيل - اوبو - شاومى - ميزو ) فى شغل السوفت احنا بنسمى الاجهزه ديه كوبى طيب حد هيسالنى ازاى نقول كوبى على جهاز ماركه لينوفو مثلا او هاواوى 
فى السوفت الوضع مختلف لاننا شغالين على انواع البريسسور و كل الموديلات الساابقه تعمل بنفس فكره السوفت الصينى 
و تعمل على نفس بوكسات السوفت الصينى 
يبقى احنا كده اتفقنا ان الشغل فى الموديلات الساابقه بيكون عن طريق البريسسور و هو نفس فكره شغلنا مع الاجهزه الصينى القديمه و الحديثه

ناس كتير بتخاف من الاجهزه ديه و شغلها و بالبلدى اغلب الشركات السابقه هنلاقى لكل شركه منهم موديل او 2 فيهم عيب تصنيع 
و ممكن جهاز منهم يفصل او يقطع على السوفت 
خلينا نكون متفقين ان اكتر بريسسور منتشر هو الميديا تك و هو موجود فى الاجهزه المتوسطه و الاقل من المتوسطه
بريسسور ضعيف و مشاكله كتير جدا 
لو الجهاز ميديا تك اول خطوه هتعملها انك هتشيك على الemmc عن طريق دونجل cm2
لو سليم هتكمل شغلك و لو فيه مشكله يبقى الجهاز هنا مفيش له اى محاوله على السوفت


طيب عايزين نتكلم بشكل عام ازاى اشتغل فى الاجهزه ديه بامان سواء الجهاز بريسسور ميديا تك او كوالكوم او اسبيرد 
اول خطوه اسحب فلاشه الجهاز
اسحب ملف nv لو الجهاز ميديا تك
لو هتفلش جهاز ميديا تك فلش بدون بليلودر 
لازم تاخد انفو الجهاز و تقراه و تفهمه و كمان تسجله عندك 
فى اجهزه كتير شغاله تحت السلم يعنى هنقول موديل و بدون زكر اسم الشركه المصنعه هنقول ان الموديل اسمه s1
و انت عندك فلاشه ساحبها و مجربها لنفس الموديل لكن هتتفاجأ انك فلشت بيها جهاز تانى لنفس الاسم و نفس الشركه المصنعه و بعد التفليش هتظهرلك عيوم مثل شاشه بيضا او شاشه الوان 
ده معناه انه فى اختلاف فى الفرجن و فى بيانات الفلاشه بالرغم من انها من شركه واحده و لموديل واحد


عشان تعمل كل ده لازم تسمع النصيحه ديه 
لو جالك جهاز انت شايف انه هياخد وقت مثلا 10 دقايق 
قول للزبون هياخد وقت ساعه او ساعتين 
لازم تدى نفسك وقت فى شغلك لان لو حصلك اى مشكله و الزبون واقف و مستنى جهازه وانت قايله 10 دقايق 
هنا المشكله زادت لان انت ساعتها هتبقى تحت ضغط عصبى و هيقل تركيزك بنسبه كبيره

ملخص الموضوع لازم تشتغل و انت فاهم 
لازم تامن نفسك فى شغلك
لازم تدى نفسك وقت فى شغلك

ان شاء الله كل مده هنتكلم مع بعض فى اكتر من جزئيه خاصه بالسوفت و مشاكله 
و هنتابع مع بعض من البدايه و من التاسيس و الشغل الصح حتى الاحتراف ان شاء الله


شارك الموضوع
apo kenzy
@مرسلة بواسطة
كاتب ومحرر اخبار اعمل في موقع ملوك السوفت .

مواضيع ذات صله

إرسال تعليق




مواضيع قد تهمك

Seoplus جميع الحقوق محفوظة ل ملوك السوفت