-->

كورس EMMC الخاص باكاديميه ملوك تيم

كورس EMMC الخاص باكاديميه ملوك تيم 
الاعلان عن المنهج المنتظر وكورس ال E M M C
وفقنا الله ووفقكم جميعا
عشان عارفين انت بتفكر فى ايه 🤔 ونفسك تطور من نفسك ازاى وتزود دخلك 🤗
قدمنا منذ ايام كورسات ومستويات السوفت وير وكانت كالاتى 👇
💥 مستوى اول ومستوى ثانى و part course ودبلومة المستويين معا
وكورسات الهاردوير وكانت كالاتى 👇
💥 المستوى المميز من A to Z وال part course وقريبا المستوى المتخصص فى الايفون والسامسونج الحديث


والان نحن بصدد اطلاق منهج من اهم المناهج واقواها فى مجال المحمول وهو التعامل الكامل مع الذواكر EMMC
والتى تختص بجميع الموديلات فى الاسواق ما عدا الايفون
كل شخص منا فى مكان عمله ياتى له يوميا اجهزه تحتاج الى ذاكره داخليه منها ما تعرفها كعيوب شهيره فيها ومنها ما لاتعلم تحديد عطله هل هوه ذاكره ام لا وهنا يجب احتراف التعامل مع الذواكر سواء تعمل فى مجال السوفت او مجال الهارد ففى كلتا الحالتين انت بحاجه الى التطوير فى مجال الذواكر والبوت بشكل عام

💌 منهجنا يعطيك كل التميز والاحتراف وهذا ما ستتركه فى التعليق على البوست برايك المبدأى عن ما سيتم تدريسه
و
اولا خطوات التعامل مع الذواكر هى جزء تحديد العطل والتاكد منه باكثر من طريقه وسيتم ذكرها ثم التعامل هاردوير مع البورده ثم البرمجه والانتهاء منها والعوده مره اخرى للتعامل هاردوير وفى بعض الاحيان يتطلب سوفت وير ثم التعامل مع السيريال وانهاء العمل بالجهاز
طب كل ده ببساطه كده ولا هيكون ليها تفسير فى كل نقطه وبالتفصيل .. اكيد منهجنا هيكون مفسر وعلمى وعملى 100 % ان شاء الله نبتدى على بركة الله

🔸اولا لازم نحدد العطل صح
بداية من استلام الجهاز من العميل والتشخيص المبدأى من خلال طبيعة العطل فله مؤشرات سيتم ذكرها
🔸طيب هنشخص العطل اكثر من خلال الباور صبلاى وسحباته وفهمها نظرا لاختلاف السحبه من جهاز لاخر فيجب علينا تعليمك مناطق الاقلاع للايسيهات وترجمتها لسحب امبير معين من خلال الباور صبلاى
🔸طب يا هندسه بيختلط عليا الامر احيانا هقولك هنحدد اكتر عن طريق التوصيل على الكمبيوتر والتعريفات المبينه للعطل فى بعض الاحيان

حددت العطل واتاكدت منه انه ذاكره تعالى بقى يا سيدى عالشغل الفنى عالبورده كهاردوير

🔹🔹 هاردوير 🔬🔎


🔸هنعلمك ازاى تعرف الذاكره فى اى جهاز مهما كان نوعه بالنظر وبطرق كتير امال هنسيبك ترفع بروسيسور على انه ذاكره 😉😂
🔸طب عرفت الذاكره يلا بينا بقى نشوف الهوت اير ودرجة حرارته ودرجة الهوا اللى هتتعامل بيها مع البورد المختلفه والحمايات المختلفه لان كل بورده وكل حمايه لها تعامل خاص
🔸طب يا هندسه فى صاجه كده على الايسيهات باجى اشيلها ببوظ البورده كلها .. صاجه طيب يا سيدى بالنسبه لل rf shield هنعلمك ترفعها بكل سهوله بدون اتلاف البورده
🔸مافيش حمايه عالايسى 😃 الحمايه سهله خارجيه فقط 😊 صعبه شويه تحت وخارجى بس حمايه طريه زى السامسونج 🙂 طب نصعبها اكتر حمايه صلبه نوعا ما وخارجيه وتحت الايسى طب 😏 نقتلها بقى خالص وحمايه صلبه جدا صعبه فى التعامل 😓 كل ده ولا حاجه هنعلمك تتعامل مع كل الحمايات والايسيهات بمختلف الطرق 😍
🔸طريقة الحفر 😉 ايه هيا يا هندسه 😎 الايسى ده صعب وفى ضهره البروسيسور وخايف اسخن اطير البورده خالص يا هندسه طب وايه يعنى هنعلمك طرق الحفر فى البورده وازالة الايسى بدون حراره او اى خطوره وايضا الحفاظ على ارجل الايسى عالبورده
🔸سخنت حفرت رفعت والرجول سليمه وفرحان بقى وجيت بنضف الحمايه عالرجول فى البورده خربت الدنيا وقطعت مسارات وطيرت رجول باور وداتا وشغلانه يا هندسه والله وضيعت اسبوع شغل فى الجهاز وفى الاخر رفضته 🙃 لا يا سيدى هنعلمك تنضف البورده بسهوله جدا وباكتر من طريقه عشان تحافظ عالرجول ومن غير ما تجرح فى البورده وتقطع مسارات وتعاتب نفسك وكل ده بسهوله جداااااا ماترهقش نفسك واتعلم صح تريح نفسك 😘
🔸برفع ايسى رخم جدا وللاسف فى رجول طارت داتا او باور اعمل ايه انا بقى دلوقتى 😲 تعالى نحدد مسارها الاول واقرب نقطه تعويضيه ليها وهنعمل بريدج سواء هنحفر ونزرع مسار او هتاخده من قطعه مجاوره لها وهناخد البريدج ونثبته كأن شيئا لم يكن وكمل شغلك يا معلم شوفت معانا سهله ازاى ده انت هتتهرى تطبيق عملى مش هعتقك 😃
🔸طب فى ممانعه للرجول وفى فولتات لازم تكون سليمه يا هندسه انا بتوه فيها ومابعرفش اقيس ولا اعرف احدد اهمية الرجول تحت الايسى 😭
لعبتى وبطل اسئله كتير عشان مش هخلى فى نفسك حاجه واللى بتحلم بيه هتعرفه وتلاقيه👌

🔸طب الشبلنه بقى عقدتى دى والله انا برفع وبنضف وبعوض المسارات واجى اشبلن الايسى ييجى خمسين مره عشان يظبط مره 😪 لا الموضوع هنا مختلف معانا وبسيط يا سيدى انت بس اللى ناقصك الطريقه الصح واتقان الشبلنه بسهوله جدا ومن اول مره مش هنعيد كتير احنا القصدير مش ببلاش 🤗😇
🔸واخيرا بقى هننزل الايسى بكل بساطه وباكتر من طريقه طبعا بعد التدرج لجزء البرمجه والسيريال ونزل الايسى وانت مطمن وشغلك تمام 😎😎
قفل جهازك ورجعه زى ما كان عشان دى امانه واتقان العمل مطلوب جدا
وخد بالك من نقطة الامانه دى لاننا هنكلمك فيها فى الكورس هدانا الله وهداك
🔹🔹اتعلمت هاردوير ومش ناقصك حاجه طب انا عايز اتعلم برمجه بقى واحترف يا هندسه عشان البوكسات دى جننتنى وبرضو مش فاهمها 😐 طب تعالى معايا كده واحده واحده

🔹برمجه سوفت وير سيريال خطواتنا اللى هنتعامل معاها
اولا لازم تعرف انك بتتعامل مع🔴 معالجات 🔴 قبل ما تتعامل مع ذواكر وهتعرف ده معانا كويس جدا

🔸طب فى تعريفات معينه بتظهر عال pc معناها ايه قبل رفع الايسى وبعد رفع الايسى
🔸الذواكر ليها انواع مختلفه ومساحات مختلفه وكل جهاز يقبل مساحات معينه واحيانا انواع معينه وهنعرف افضل الانواع وتوافق المساحات فى الاجهزه المختلفه وايه هيا شروطها
🔸بعد رفع الايسى وشبلنته بتختاج تعرف حالته ايه هل شغال او محتاج برمجه او تالف نهائى ويلزم تغييره وهنا لازم تتعلم طرق فحص الايسى
🔸طب الايسى تالف ينفع اتعامل معاه واصلحه اه ينفع وهنعلمك تتعامل معاه برمجيا ازاى وده بنحتاجه فى بعض الاحيان فقط والافضل التغيير فى حالات معينه

🔵 Dump file 🔵

الكلمه دى سمعتها كتير وبلاقى ناس دايخه على ملف عشان تصلح جهاز ده عباره عن ايه .. ده ملف يتكون بداخله من مجموعه ملفات كل ملف ليه وظيفه محدده هنتعرف عليهم كلهم ونفهمهم كويس جدا

🔸عندك جهاز شغال وعايز تسحب ملف دامب من عليه وتحتفظ بيه عندك وفى اكتر من طريقه لسحب الدامب هنتعرف عليهم ونتدرب عليهم
🔸طب فى فرق بين Dump file و full Dump file وامتى استخدم ده وامتى استخدم ده ومعرفة الفرق بينهم
🔸طيب ايه هيا مناطق الاقلاع او ادريسات الاقلاع لكل معالج مش احنا قولنا احنا بنتعامل مع المعالج فى البدايه ولا ايه ركز 😎
🔸عرفت كل حاجه كده يبقى هنتقن ونحترف برمجة الايسى وده بقى ليه اكتر من طريقه
سواء عن طريق بوكس Ufi
او التوصيل المباشر للذاكره isp
او الحرق عن طريق كارت الميمورى
مش هيبقى عندك ثغره تقول منها مش عارف ابرمج يا هندسه كله عندنا متاح

🔸جالك عميل عايز يكبر ذاكره الهاتف طب هل ينفع فى كل الموديلات وايه هيا شروطها عشان اكبر الذاكره ومن غير اى مشاكل تقابلنى
🔸حياه او موت ودى كلمه ممكن تسمعها من عميل لما يجيلك يقولك عايز الداتا اللى عالجهاز ده بأى طريقه واى ثمن هنا تقوله عينيا يا فندم متاح طبعا بس بشروط وحالات معينه هنعرفها كلها وهنتعامل معاها بكل سهوله
🔸طب انا فاهم فى الموضوع كويس جدا بس ناقصنى تووووووافق الايسيهات مع الموديلات المختلفه فى السوق انا عايز اعرف هركب ايسى ايه عالجهاز ده ومساحته كام ونوعه ايه ودى نقطه مهمه جدااااا
🔸عالم ال emmc ملىء بالتركات الخفيه والمهمه والتى تسهل عليك العمل وايضا فهم واتقان التعامل مع الذواكر واثناء الكورس يوجد معلومات وتركات لا يعلمها الا القليل ومعنا ستكون من القلائل من اللذين يعلموها
🔸التدريب فى الكورس هيكون على بوكس UFI و EMMC DONGLE ومعرفة كل الواجهات المختلفه لهم والتعامل معها بكل احترافيه ان شاء الله


🔸طب انا خلصت كلام دلوقتى هنهى الكلام على كده
لا استنى هقولك مفاجأه اولى كده عالماشى 🙃
🔹🔹انت عندك البوكسات وبتعرف تبرمج كويس جدا ومش ناقصك حاجه ما شاء الله ومحتاج تتعلم شق الهاردوير فقط طب انا هاردوير تمام جدا بس لا افقه شىء عن البرمجه والتركات هنا هقدر اقولك واسهلها عليك انك تقدر تاخد نص الكورس اللى ناقصك سواء برمجيا او هاردوير وبيكون بسعر مخفض عن سعر الكورس كامل

🔸ياعم والله قولتلك مية مره احنا عارفين انت عايز ايه ومحتاج ايه وبرد على كل اسئلتك اللى تيجى فى مخيلتك وبحققلك احلامك
طب مش لازم تعرف مين اللى هيدربك فى الكورس نظرى وبرمجه وعملى هقولك يا سيدى
👍👍👍
المهندس عمران وهوه احد افراد فريق EMMC DONGLE وسبورت EMMC FILE وصاحب الخبره الكبيره فى عالم ال EMMC
بالاضافه الى
المهندس حسن هنرى مدرب صيانة محمول
👍👍👍

مستنى ايه بادر بالحجز من الان لحجز مقعدك فى العروض الاولى لاكاديمية ملوك تيم
كن معنا تكن من المميزين والمنفردين الحمد لله عندنا القدره والامكانيات التى تساعدك للوصول للاحتراف
الحجز بيتم عن طريق دفع 500 جنية مصرى مقدم عن طريق التحويل على فودافون كاش او اورنج مانى (لا يتم حجز مكان للطالب الا بعد دفع ال 500 ج للحجز-*
و التواصل عن طريق الصفحه الخاصه بالاشتراكات

او عن طريق رقم الواتس
 01271273674
وإن شاء الله هنضيف رقم التليفون الارضى للتواصل قبل الافتتاح مباشره
و ده هيكون رقم ثابت لينا بيتم دفع باقى المبلغ فى اول محاضره بيحضرها الطالب
العنوان : الطوابق شارع فيصل الرئيسى اعلى سنتر شاهين الدور الرابع .
ملحوظه هامه : يجب على الطالب إحضار صوره من البطاقه الشخصيه .
وبالتوفيق لجميع طلاب الاكاديميه

جديد قسم : كورسات ملوك تيم

إرسال تعليق